Возете внимателно: Густа магла на Стража, снег во Берово и Паланка

Сообраќајот на државните патишта се одвива по влажни коловози, на некои повисоки места во североисточните и источните делови од државата наместа со остатоци од кашест снег на коловозот.

Врнежи од снег со среден интензитет се бележат во Крива Паланка, Делчево и Берово.

Намалена видливост поради појава на магла од 50 – 100м. има на планинскиот превој Стража.

Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и за излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.