Возачите во своите кабини ќе бидат во мини карантин

Изготвен е правилник како треба да е движат возилата со кои се превезуваат лекови и нафта, соопшти министерот за здравство Венко Филипче денеска на прес конференција во Владата.

– Протокот на лекови, камиони, нафта треба да биде непречен во сите земји. Ќе биде изготвено решение од Државниот санитарен и здравствен инспекторат. Тоа ќе изгледа како една форма на мини карантин на возачите во своите кабини. Тоа го прифаќаат и околните земји. Значи, возачот ќе добие соодветна потврда да вози и надвор од земјата, тоа го прифаќа и другата земја. Таму се прави истовар и се става стока во возоилото од лица кои работат во самите магацини. Возачот знаеме дека е безбеден во својата кабина – рече Филипче и најави повеќе детали за ова кога ќе биде спремен документот.

Сите инспекторати се задолжени да интервенираат каде што има неправилности во спроведувањето на преземените мерки за заштита од коронавирусот.