Македонија
Власта и екологистите повторно во клинч, каде да се гради новата охридска марина?
Неопходната изградба на охридска марина денеска повторно ги стави во клинч властите, капетанијата и едриличарите на едната страна и екологистите од другата.
Капетанијата подржува марината да се изгради во близина на студенчишко блато, што за екологистите е апсолутно неприфатливо бидејќи сметаат дека така ќе се предизвика директна еколошка штета во каналот.
Туристичките работници пак се за тоа марината да се лоцира на потегот меѓу Грашница и Даљан но и тој предлог засега не добива целосна поддршка.
Иако тешко оди дијалогот, од општината и владата велат поентата е да се изгради непоходниот објект но притоа да не се наруши ниту дел од езерото и брегот.
Со изградбата на нова марина се предвидува дислокација на сите пловни објекти од каналот. И истата ќе треба да обезбеди место за приврзување на најмалку 300 пловни објекти, глисери, јахти, едрилици и чамци, но и место за паркирање на 10 поголеми бродови.
