Викендов беа полни излетничките места во Скопје

За време на продолжениот викенд, сите излетнички места во околината на Скопје беа полни со посетители.

Без маски, во големи групи беа граѓаните кои спас од високите температурио најдоа токму во природа. На Матка сите капацитети беа исполнети. Се бараше место плус покрај реката. Немаше ниту слободен паркинг, па со цел да се избегне дополнителен застој во сообраќајот полицијата ги пренасочуваше возилата.

Најголем дел од граѓаните се однесуваа како да нема пандемија, но сепак имаше и исклучоци.

 

Луѓе имаше и на Водно, но не во толку голем број. Паркингот беше полупразен. Полиција немаше. Дел од граѓаните ги почитуваа мерките дел не. Повеќето ни рекоа дека вирусот многу им го променил начинот на живот.

 

Интерес имаше и за жичарницата.

И во околината на Марков манастир беше исто, полно со посетители, сите без маски и без почитување на препораките.