Вечерва концерт на Даниел Милер-Шот на „Охридско лето“

Музичката програма на „Охридско лето“ за вечер го нуди целовечерниот концерт на Даниел Милер-Шот, еден од најбараните виолончелисти на денешницава.

Милер-Шот е присутен на сите големи концертни подиуми. Веќе неколку децении ја одушевува публиката како голем амбасадор на современата музика преку неговите идеи за обединување на музиката, литературата и визуелната уметност, информираше Министерството за култура и туризам во својата фејсбук објава.