Забава
Верверичка „натоварила“ 70 килограми ореви во паркиран автомобил
Американецот од Северна Дакота, Бил Фишер откри дека неговиот автомобил бил полн со ореви откако го оставил паркиран четири дена.
На фотографиите објавени на Фејсбук, Фишер покажува кофи полни до врвот со ореви. Вредната верверичка ставила ореви во секој агол до кој можела да се приближи. Фишер на крајот морал да ја отстрани целата предна рамка на возилото за да исчисти се.
„Морав да ги симнам браниците и да ги извадам сите ореви“, изјавил Фишер за „Хералд“, истакнувајќи дека неговите напори не биле сто проценти успешни.
„Се уште слушам како нешто се тркала внатре во возилото, веројатно во делови од автомобилот до кои не можам да пријадам“, додаде Фишер.
Една фотографија што ја објавил покажува дека успеал да наполни вкупно седум кофи со ореви извадени од возилото. Со секоја кофа која тежела околу десет килограми во просек, оваа вредна верверичка успеала да собере вкупно над 70 килограми ореви за зимата.
Фишер подоцна изјави лдека има на располагање 42 литри ореви, „природно одгледани“ и „рачно собрани“ со раце од верверичка. За жал, нејзините напори биле залудни.
