Апокалиптични сцени во Шпанија: Ненадејни поплави предизвикани од обилните дождови

Ненадејните поплави предизвикани од обилните дождови предизвикаа хаос во североисточниот шпански регион Каталонија, каде што властите велат дека голем број луѓе се заробени во своите возила.

Шпанската национална метеоролошка агенција AEMET прогласи највисоко ниво на црвена тревога за крајбрежниот регион, додека каталонската цивилна заштита ги повика луѓето да останат во своите домови, особено во делтата на Ебро.

Ситуацијата е сериозна и прогнозите предвидуваат повеќе врнежи од дожд“, изјави Кристина Висенте од AEMET, според La Vanguardia.

Метеоролозите предупредуваат дека до 180 милиметри дожд би можеле да наврнат за само 12 часа, ниво што предизвикува големи поплави во овој дел од Шпанија.

Засега нема официјални извештаи за повредени или смртни случаи, но штетата е веќе голема.

Поради лоши временски услови, сите поаѓања на возови од Барселона и Валенсија по медитеранскиот коридор, кој ги поврзува крајбрежните градови, се суспендирани.