Какво време не очекува за овој викенд?

За време на викендот кој ни доаѓа, нашата територија ќе биде под влијание на северно воздушно струење и на влажна и нестабилна воздушна маса која ќе предизвика нестабилно време со пороен дожд, грмежи и засилен ветер особено од пладневните часови, објави метеорологот Славчо Попоски.

Локално се можни и нешто поинтензивни атмосферски процеси проследени со услови за појава на град, поинтензивен пороен дожд, електрични празнења и засилен ветер.

Поради продорот од север, температурите на воздухот ќе бележат тенденција на опаѓање особено во недела, кога истите ќе се искачуваат во интервалот од 25 до 32 степени.