Храна
Домашен сок од праски идеален за лето
Ве измачуваат тропските горештини и сакате нешто што ќе ве разлади и ќе ве освежи? Изгаснете ја жедта во жешките денови со природна лимонада со вкус на праски.
Идеалниот спој на слатко-кисели овошни вкусови ќе ви ја врати енергијата и ќе посакате уште и уште.
СОСТОЈКИ
| 4 шолји | вода |
| 2 шолји | крупно исечкани праски (4-5 праски) |
| 1 шолја | свежо исцеден сок од лимон (4-5 лимони) |
| ¾ шолја | шеќер |
| 2 шолји | мраз |
ИНСТРУКЦИИ ЗА ПРИГОТВУВАЊЕ
Во големо тенџере ставете ги водата, праските и шеќерот и поставете го на оган. Откако водата ќе зоврие, варете 3-4 минути за да омекнат праските.
Низ голема цедилка претурете ја течноста во друг сад, а праските пасирајте ги со лажица за ги отстраните лушпите и месестиот дел.
Ставете ја течноста во фрижидер да се лади неколку часа.
Додајте го сокот од лимон во течноста со вкус на праска и ставете мраз.
Послужете ја лимонадата ладна. Украсете со парче праска, јагоди, нектарини, лимон или цреши.
