Летна салата од брокула

Ако нешто е препорачливо и здравствено корисно во овие екстремни горештини е консумацијата на лесни салати. Летото е период кој изобилува со различни видови на зеленчук и овошје, па така комбинациите за освежувачка салата се разновидни.

Препорачуваме еден лесен оброк од салата со брокули, која ќе ви биде добродојдена во овој летен жежок период.

Состојки

1 голема главица брокула

1 главица црвен кромид

50 гр суво грозје

50 гр излупени печени семки од сончоглед

50 гр печени бадеми

50 гр панцета

Прелив:

150 гр кисела павлака

сол

бибер

Брокулата исечкајте ја на помали цветчиња и варете ја на пареа 2-3 минути, а потоа прелијте ја со ледена вода да се излади целосно, добро исцедете ја.

Во сад за мешање се ставаат ситно сечканиот црвен кромид, брокулата и сувото грозје, па се преливаат со павлаката, солта и биберот, се убаво се меша и се става во фрижидер неколку часа.

Во меѓувреме, исечете ја панцетата на коцки и пропржете ја додека не стане крцкава. Пред сервирање во салатата додајте ги семките од сончоглед, сечканите печени бадеми и панцетата, сè убаво измешајте и послужете. Додадете ги овие состојки пред сервирање за да останат крцкави, т.е. за да не омекнат од преливот за салата.