Метеор со зеленкаст сјај го осветли небото над Хрватска

Метеор што беше видлив вчера падна на територијата на Хрватска, имаше зеленкаст сјај, а снимени се и три посилни блесоци, пренесува „Далмација данас“.

Многу набљудувачи известуваат дека се работи за многу светол објект кој горел неколку секунди.

– Со оглед на многуте прашања и извештаи за многу светол метеор виден вчера во 18.28 часот, сакаме да ја информираме јавноста дека се очекува зголемена активност на метеори бидејќи има максимална активност на метеорскиот рој „Орионид“, соопштија од Хрватскиот астрономски сојуз.