Бетонски облакодери обвиткани со зеленило

Во долниот дел на овие облакодери преовладува бујно зеленило, карактеристично за оваа компанија.  Проектот е наречен Toranomon и подразбира изградба на две нови кули од двете страни на постоечката Toranomon Hills кула, која во моментот се смета за највисок облакодер во Токио и петти по височина во Јапонија. Сега приматот на највисока кула го превзема повисоката зграда од овој нов проект. Има височина од 220m, има 54 ката и 550 станбени единици во распон од 34m2 за студио апартмани, до станови со површина од 112m2. Втората зграда е висока 185m и има 36 ката деловен простор.

Двете згради се поврзани со голема јавно достапна тераса, во која се наоѓа мноштво растенија и дрвја. Терасата продолжува вертикално до седмиот кат на деловната кула и 11-тиот кат на станбената кула. Постојат повеќе шеталишта и простори за одмор, а вкупната површина под зеленило изнесува дури 7.800 квадратни метри.  Ingenhoven Associates е препознатлив по својот интензивен ангажман на урбаното зеленило и одговорите за секоја локација во различни климатски услови ширум светот.  

пренесува porta3.mk